النت في المودم يفصل عندك ويرجع؟ إليك الاسباب المحتملة

هل عندك مشكلة وهى انك كل شوية يفصل النت عندك بصفة مستمرة ؟

 

المشكلة دي لها عدة اسباب منهم وان شاء الله تنحل

1. إتأكد ان كل التليفونات الارضية اللى فى بيتك مركب فيها فلتر لأنك لو مش مركب فلتر لكل عدة تليفون ممكن يأثر على خط النت.
2. يفضل انك تركب السبلتر بتاعك فى اول طرف سلك التليفون اللى داخل بيتك يعنى مش تاخد حرارة التليفون من الفيش اللى بتبقى مركب فى الحيطة لأنها ساعات بتعمل مشاكل , لا خد من السلك اللى طالع من بوكس التليفون عليك على طول مباشرةً.
3. إتأكد من سلامة سلك التليفون لأنه سلك ضعيف و بيتأثر بعوامل كتير مثل المطر وغيره.
4. إتأكد من سلامة الاسبلتر وانه نوع نضيف لأنها حصلت قبل كده وكان السبب من الاسبلتر.
5. إتأكد من الاعدادات configuration الخاصة بالراوتر تبعك لانها لو مش مبوطة صح او حد لعب فيها ممكن تبطألك او تفصلك النت كل شوية. وعن تجربة
6. يفضل انك تكون الوحيد اللى معاه باسورد الراوتر لتجنب المشاكل.
7. إفصل الراوتر تبعك و ريحه لفترة ويفضل انك تعمل كده بصفة دورية مش شرط يكون فيه مشكلة فى الراوتر علشان تريحه من الشغل.
8. تأكد من خلو أجهزة المشتركين من فيروسات الشبكة مثل الفيرس الصيني بالذات لو مركب سيرفر الميكروتك النسخة المكركة .
9. لوعندك راوتر تاني يفضل انك تجربه ممكن يكون العيب من الراوتر القديم عمره الافتراض انتهي
10. قد تكون الكبسترات الداخلية للراوتر منتفخة  واصبحت قليلة الكفائة
11. تاكد من وجود اشارة ADSL في المودم بشكل ثابت وطبعاً ذا في حالة ان النت مفصول نهائياً 
12. يمكن تقوم بتحديث الفريم وير الخاص بمودمك من موقع الشركة المصنعة وقد ضبطت معي شخصياً عدة مرات

.اتبع الخطوات دي واحدة واحدة و ان شاء الله المشكلة تتحل.